çığanaq: ktat.krymr.com

"Serbest Qırımğa mektüpler" teşebbüsi çerçivesinde qırımtatar asıllı ukrayin rejissörı Nariman Aliyev qırımtatar faali ve jurnalisti Asan Ahtemovnıñ mektübini oqudı. Rusiye mahkemesi onı "diverssiya" davası boyunca 15 yılğa üküm etti.

"Bugün Narimannıñ sesinen, işğalcilerge qarşılıq köstermekni devam etken Ukrayina vatandaşları adından Asan Ahtemov ayta. Vatanı Qırımdan qanunsız sürgün etilgen er kesniñ adından, qaytmağa istegen er kesniñ adından. Evge qaytmaq", — dep bildirdiler Ukrayina prezidentiniñ Qırım Muhtar Cumhuriyetindeki temsilciliginde.

Anda hatırlattılar ki, al-azırda Asan Rusiye Federatsiyasınıñ Vladimir vilâyetinde, resmiy olmağan şekilde "Vladimir merkezi" olaraq belli olğan apishanede buluna, soñki malümatqa köre, Rusiye akimiyeti onı anda yerleştirdi.

Ukrayina müessisesi teşebbüske qoşulmağa ve Asan Ahtemov ve Kremlniñ diger mabüslerine qoltutuv sözlerini yazmağa çağırdı. "Bu adiy adımlar vatandaşlarımızğa, bütün manialarğa baqmadan, olarnıñ serbestligi içün küreşmege devam etkenimizni añlamağa yardım etecek", — dep qayd ettiler Ukrayina prezidentiniñ QMC-deki temsilciliginde.

Nariman Aliyev — qırımtatar asıllı ukrayin rejissörı, stsenariy yazıcısı, Mincultprıvit ve Bromance podcast podkastlarınıñ alıp barıcısı ve tesisçisi. Ukrayinada nam qazanğan sanat erbabı

«Copyright © 2020 RFE/RL, Inc. Передруковується з дозволу Крим.Реалії (Радіо Вільна Європа / Радіо Свобода)»