çığanaq: ktat.krymr.com

Rusiye akimiyetiniñ malümatına köre, ilhaq etilgen Qırımda "soñki çan bayramı telükesiz rejimde keçecek". Mayısnıñ 24-nde 4, 9 ve 11 sınıflar içün tedbirler büyük zalda keçirilecek, qalğan bütün talebeler içün — odalarda. Bunı Qırımtatar Milliy Meclisi reisiniñ muavini İlmi Ümerov haber etti.

Ümerovnıñ qayd etkenine köre, Ukrayina silâlı quvetleri Qırımda vatandaş obyektlerine ücüm etmey.

"Ukrayina arbiyleri tam miqyaslı cenk vaqtında Qırımda yalıñız arbiy obyektlerge ücüm etkenlerini isbatladılar. Şunıñ içün işğalciler tarafından yapılğan bu kibi areketler de Ukrayinanı Qırımdaki vatandaşları ögünde itibardan tüşürmek maqsadınen yapılğan teşviqatnıñ bir qısmıdır. Böyle teşviqatqa qarşı qoranta tura, tek cemiyetniñ bu bölügi talebelerniñ başına tüşken Ukrayinağa qarşı teşviqatqa qarşı çıqa bile", — dep qayd etti Ümerov.

Rusiye akimiyetiniñ malümatına köre, ilhaq etilgen Qırımda soñki çan bayramı telükesiz rejimde keçirilecek".

2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.

«Copyright © 2020 RFE/RL, Inc. Передруковується з дозволу Крим.Реалії (Радіо Вільна Європа / Радіо Свобода)»